Tlhokomelo ya
Kitso
Lefapha la Tlhaeletsano
DIPOTSO TSE GANTSI DI BODIWANG: TLHOKOMELO YA KITSO
Tlhokomelo ya Kitso ke eng?
Tlhokomelo ya Kitso ke tlwaelo e e mafaratlhatlha e e kgontshang mekgatlho go tokafatsa mekgwa e e tlholang, e e amogelang, e e netefatsang, e e anamisang, e e bolokang le go dirisa kitso go fitlhelela maitlhomo a yone ka bonako le ka manontlhotlho.
Dipoelo tse kgolo tsa Tlhokomelo ya Kitso ke dife?
Mekgatlho e fitlhelela maikemisetso ka bonako le ka bokgoni jo bogolo, go tokafatsa
Ntshokumo
Bokgoni
Boitlhamedi
Bogaisani
Dipoelo tsa beng di akaretsa:
Dipoelo tsa Kgwebo di a oketsega
Mmuso o oketsa ditirelo
Saense e oketsa boitlhamedi; le
Badiri ka kitso ba oketsa kgolo le thotloetso ya bone.
Ka go dira jalo ba tokafatsa ekonomi, ba fokotsa botlhoki le go oketsa ditiro.
A Tlhokomelo ya Kitso ke maano a ka bonako a nakwana?
Tlhokomelo ya Kitso e tla tswelela, mme ga se maano a ka bonako a nakwana. Lefatshe ka bophara, Boitlhamedi jwa Tlhokomelo ya Kitso bo amogetswe, mme ga go sa tlhole go na le boitlhophelo. Tlhokomelo ya Kitso ke mokgwa wa bokamoso.
Tlhokomelo ya Kitso e amana jang le Motlha wa Tshedimosetso?
EknowledgeCenter, Arizona,U.S.A., c2000, (tebang le ditlhaloso tse dintsi tse di neetsweng fa)
Tlhokomelo ya Kitso ya Dipotso tse Gantsi di Bodiwang, Lwetse 2000
Khomphuitara, Inthanete le lobelo lwa koketsego ya thekenoloji tse di diragalang lefatshe ka bophara, mme segolo thata kwa Amerika, di tlhodile se gangwe le gape se itsegeng jaaka Ngwaga wa Tshedimosetso fela se se bonwang jaaka kgato ya kgabaganyo e e lebisang kwa Ngwageng wa Kitso. Fa setšhaba se tsamaya go tswa kwa Ngwageng wa Intaseteri go ya kwa go se se bidiwang Ngwaga wa Kitso, mo maemong a magolo, Tlhokomelo ya Kitso e tlhabologile mo maemong a mannye go tlhokomela diphetogo.
A Tlhokomelo ya Kitso e ntšhwa?
Ditheo tsa Tlhokomelo ya Kitso ga gi dišwa, jaaka go bontshitswe ke tlhabololo ya kitso ke motho wa maloba (sekai: tiriso ya molelo, metale le boronse) e fetisiwa go tswa losikeng longwe go ya losikeng longwe mme e ntse e anama. Tlhokomelo e e lolameng ya kitso jaaka motswedi ke karolo e ntšhwa e e tlhabologang, legale, e tswa mo diphetogong tse dintsi tsa tshedimosetso le dithekenoloji tsa tlhaeletsano gammogo le kgolo e e itumedisang ya mosola wa kitso jaaka motswedi wa botlhokwa.
Kitso ke eng?
KITSO ke motswedi o o botlhokwa fela jaaka metswedi ya tlhago ya lefatshe, badiri kgotsa didiriswa. Tlhokomelo ya tlhokego, tlamelo le kelelo ya kitso e ntse e nna ntlha e e botlhokwa ya mekgatlho, mme e ka fitlhelelwa ka bokgoni ka tiriso ya Tlhokomelo ya Kitso.
A Tlhokomelo ya Kitso e farologane le Tshedimosetso ka Thekenoloji?
Le fa tshedimosetso ka thekenoloji (IT) e le sekgontshi sa Tlhokomelo ya Kitso, IT ke nnngwe ya dikarolo tse di fetang 60 tse di akarediwang ke Tlhokomelo ya Kitso, go akaretsa Motswedi wa Badiri, Anteropholoji le Saekholoji. Tlhokomelo ya Kitso e ka ga batho le setso fela jaaka e le ka ga IT.
A tlhokomelo ya kitso ke thekenoloji kgotsa tiriso?
Tlhokomelo ya Kitso ga se fela thekenoloji, e bile ga se fela tiriso, fela ke thulganyo le setlhopha sa dithekenoloji tsotlhe di tshegetsa kabelano ya mogopolo wa setheo go kgontsha boitlhamedi.
Tlhokomelo ya Kitso e amana jang le batho?T
Ntlha ya botlhokwa ya TK ke Tlhokomelo ya Badiri, beng ba ba dirang mo mokgatlhong mme ba thapilwe ka kitso, e bile ba maatlafaditswe ka kitso, e bile ba rwele maikarabelo a go thusa badirelwa mo mokgatlhong.
TK e ka ga batho ba ba akanyang ka gore ba ka itlhokomela jang, go na le thulaganyo ya kgatelelo.
Go fetola mokgwa o dilo di neng di dirwa ka one kgale, o o batlang phetogo ya tlhaloganyo kgotsa mokgwa wa go dira go ya kwa mokgweng o o ikaegileng ka boikanyo le go boitshepo.
Kabelano ya tshedimosetso e tla kgontsha badiri mo mokgatlhong go dirisa kitso e e leng teng go na le go simolola tiro sešwa, go oketsa kitso.
Se se tla oketsa tiriso e e siameng ya nako, k. g. r. ntshokumo, le boitlhamedi, se e leng tlhagiso ya kitso e ntšhwa.
Tlhokomelo ya Kitso e amana jang le togamaano ya mokgatlho?
Ntlha nngwe ya botlhokwa TK ke botlhokwa jwa kgolagano ya togamaano ya Tlhokomelo ya Kitso le togamaano ya kgwebisano ya mekgatlho e e kgontshang mokgatlho go rulaganya bogaisani mme o tswelele o le teng.
Pharologano ke eng magareng ga data, tshedimosetso le kitso?
Data ke maitemogelo kgotsa dintlha di se mo tirisong, mme ka jalo di se na bokao ka tlhamalalo. Tshedimosetso e tswa mo tirisong ya data ka mogwa o o nang le bokao, gantsi ka mokgwa wa molaetsa. Kitso ke seo re tlang go se dumela le go bona se le mosola re ikaegile ka kokoanyo ya tshedimosetso (melaetsa) e e nang le mosola ka maitemogelo, tlhaeletsano kgotsa bokao. Kitso e ka bonwa e le selo se se ka somarelwang le go dirisiwa jaaka thulaganyo ya kitso le tiriso ka nako e le nngwe - ke gore go dirisa botlhale.²
Ngangabalo ya Kitso ke eng?
Ngangabalo ya Kitso ke setlhopha sa melawana e go dumelwang e le boammaruri ke motho a le mongwe bonnyane, e le molaetsa o o nang le tshedimosetso e e lekaneng go ka dumelwa ke motho mongwe mme a dira ka yona. Go tshwanetse ga dirisiwa ditsela dingwe go netefatsa ngangabalo ka kitso pele e ka amogelwa e le kitso.
A boleng jwa kitso bo ka lekanyediwa?
Ee, ka bokgoni jwa yona go thusa mokgatlho kgotsa motho go fitlhelela maikaelelo a gagwe sentle.
A go na le kgorwana kgotsa websaete ya Tlhokomelo ya Kitso?
Go tlhomilwe kgorwana ya Tlhokomelo ya Kitso go tlamela mosele wa tirisano ka tlhaeletsano le Lefapha la Ditlhaeletsano. Se se tla dira jaaka motswedi wa Tlhokomelo ya Kitso, se tlamele kitso ka ga Tlhokomelo ya Kitso le go dira jaaka mosele wa gago go nna le seabe mo puisanong ka ga Tlhokomelo ya Kitso mo Aforika Borwa.
Tlhokomelo ya Kitso ya Dipotso tse Gantsi di Bodiwang, Lwetse 2000
